Zaningehê Harvardî dewreyê perwerdeyê ziwanê Kurdkî akerd

Zaningehê Harvardî yê Emerîka reya verêne tarîxê do waştişê wendekaranê Kurdistanijan ra dima dewreyê perwedeyê ziwanê Kurdkî akerd.

Zaningehê Harvardî yê bajarê Cambridgeyî yê Emerîka serra 1636î de ameya ronayene. Zaningeh, Emerîka de û pêro dinya de zaningehanê tewr namdaran ra yo.

Harvardî de do reya verêne perwerdeyê ziwanê Kurdkî bêro dayene. Perwerde de tena ziwan ney tarîx, kultur û sîyasetî ser o zî perwrdeyî bêrê dayene. Zaningehî veng a zanyarê antropolojî, profesorê zaningehê Bentleyî Ehmed Mihemed Pûrî da ke bêro û no dewre de dersan bido. Profesor Ehmed Mihemed Pûrî keyepela The Harvard Crimson ê wendekaran rê va, “Ma do perwerdeyê ziwanê Kurdkî û musnayîşê ci ser o qisey bikerê. Ez zaf keyfweş a ke peynî de tîya de dewreyê bingeyî yê perwerdeyê ziwanê Kurdî ame akerdene.”

Pûrî nîya dewam kerd: “Ez hêvî kena ke Zaningehê Harvardî de dewreyê perwerdeyî dewam bikero. Sewbîna ez hêvî kena ziwanî sey wenînitişî pêşkêş bikero ke perwerdeyê ziwanê Kurdkî bêro teşwîqkerdene.”

XWEBÛN