Lîsansê Enstîtuya Zanistîya Kurdistanî ya ke Rojhelat de perwrdeyê Kurdkî dana hetê Îranî ra ame betalkerdiş.
Enstîtuya Zanistî ya Kurdistanî ya Roznewbarî, 6 serrî yo bajaranê Rojhelatî yê Qorveh û Dehgolanî de perwerdeyê Kurdkî dana. Lîsansê enstîtu hetê Wezaretîya Perwerdeyî ya Îranî ra ame betalkerdiş. Sebebê betalkerdişî zî sey ‘Ziwanê Kurdkî yeno teşwîqkerdiş û şinasnayîş’ ame ramojnayene.
Hetê ronayoxanê enstîtu Cyrus Abbasî û Ferîdeh Weîsî ra derheqê qerarî de vîdeoyêk ame weşanayene. Înan va vato ke, “No qerar, bêbinge, bêhiqûq û bêedalet o. Sîstemê perwerdeyî yê Îranî, kolonyalîzm û îdeolojîyî ra yeno pê. Mîyanê se serre de bi raya peywerdeyî polîtîkayê asîmîlasyonî ameyê ramitene û kulturî ameyê qirkerdene. Ma sey ronayoxanê Enstîtuya Kurdistanî, seba ke ma heqanê xo yê neteweyîyan û komelkîyan bipawê û zirarî telafî bikerê 2017î de ma enstîtu rona. Beno ke zor bikerê û Enstîtuya Zanistî padê la ê do çirey meeşkê rayanê musayîşî bigerê.”
MERKEZÊ XEBERAN
parvê bike
Nûçeyên ku dikare bala we bikşîne
