Buroya Hiqûqî ya Seserre: CPT ganî cade malûmatan bido raya pêroyîye

çarşem 5 Çiriyê 2022 - 08:20

  • Awiqatanê Abdullah Ocalanî waşt ke CPT derheqê zîyaretê Îmraliyî de malûmatan bido û proseduran bifîno kar.

Buroya Hiqûqî ya Seserre derheqê zîyaretê CPTyî de malûmatêk da. Hetê CPTyî ra Hepisxaneyê Îmraliyî zî ameyo zîyetkerdiş. Awiqatanê Buroya Hiqûqî ya Seserre dîyar kerd ke badê malûmatê CPTyî, xebera înan zîyaretê Îmraliyî ra bîya.

Awiqatan malûmatê xo de va, “Ma muvekkîlanê xo Abbullah Ocalan, Omer Hayrî Konar, Veysî Aktaş û Hamîlî Yildimirî ra 15ê Adare 2021î ra nat xebere nêgirewta. Ma xeylê dolime îfade kerd ke, ma kewenê rewşa înan a sihetî û weşîya înan ver. Ma bi taybetî CPT rê xeylê muraceatî kerdê û waro mîyannetewîyî de zî xeylê muraceatî ameybî kerdene. Na gama CPTyî erey bo zî pozîtîf a.”

Tecrîd hîna zêde ame girankerdiş

Malûmatî de ame vatiş ke, “CPT raporê xo yê zîyaretê Gulana 2019î, 15 aşmî ra dima weşanabi û dîyar kerdibi ke ganî derheqê pêvînayîşan de gamî bêrê eştene. Badê zîyaretî ganî tayê çîyî bi goreyê pêşn3iyazanê CPTyî biamêne safîkerdene la eqsê ci polîtîkayê tecrîdî ame ramitene û tecrîd hîna zêde ame girankerdiş.

CPT ganî cade malûmat bido

Ma zîyaretê CPTyî pozîtîf vînenê la na rastîye esta ke ma muvekkîlanê xo ra 18 aşmî ra nat xebere nêgenê. Ganî qedexeyî bêrê wedartiş û muvekkîlê ma bieşkê awiqat û keyeyanê xo de pêvînayîşan bikerê. CPT ganî cade derheqê zîyaretê xo de malûmat bido û seba ke nê îşkenceyî wedarîyê ganî tedbir û proseduran bifîno kar. Seba ke Birêz Ocalan û embazanê ci de pêvînayîşî bêrê kerdene, heq û hiqûq waştoxî û raya pêroyîye ganî bi xesas têbigerê.”
MA / ÎSTANBÛL

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.