Cinaza zereyê qabêk de ameye dayene

çarşem 15 hezîranê 2022 - 19:29

  • Cinazaya endamê HPGyî yê Zindan Yenîyî zereyê qabêk de dîyaye keyeyê ey.

MEHMET GULEŞ / MA / AMED

Cinazaya endamê HPGyî yê Zindan Yenîyî zereyê qabêk de dîyaye keyeyê ey.

Zindan Yenî 2021î de Pîran Pîrejmanî de amebi kiştene. Cinazayê ey 8 aşman ra dima zereyê qabêk de dîyaya pîyê ey. Keyeyê ey belgeyê muayeneyî yê mergî waşt la nêeşkayê netîceyêk biigerê. Cinazaya Egît Îpekî zî 2019î de zereyê qutîye de bi kargo ameybî erşawitiş. 

Çend rey muraceat amebi kerdene

Maya Zindan Yenî Menîce Yenî vate, “Înan lajê mi bi kîmyasalan kişto û seba ke rêçî vîndî bê cinaza kerda parçe û wina erşawita. Beno ke leşa lajê mi weşe bî.  Înan pê telefon xebera mergê lajê mi da. Seba ke cinaza tespît biba, înan ma ra gonî nêgirewte. Sawcîtî va sebebê mergê ci dîyar nîyo. Ma çend rey muraceat kerd la netîceyêk nêjejîya.”

‘Lajê mi bi kîmyasalan ame kiştene’

Dayîka Menîce Yenî vate, “Pîyê Zindanî şi Îstanbûl. Înan vatibi cinaza Îstanbûl de ya la sewbîna malûmat nêame dayene. Ez şîya Sawcîtîya Pîranî. Înan mi ra va netîceyêk çin a. Mi sawcîyî ra va lajê mi bi kîmyasalan ame kiştiş. Înan ez erşawita, la ez kewta dima û çend na rey şîya. Mi va nengûyê lajê mi zî bimano ez ganî lajê xo bivînî.”

‘Cinaza zereyê qabêk de ameye dayene’

8 aşman ra dima Sawcîtîya Dîyarbekir gêraya û vato bêrê cinazaya xo bigerê. Menîce Yenî vana, “Ma tena 4 kesî bî la çend wesayîtê polîsan kewtibî ma dima. Muxtarê dewa ma vatêne cinaza dewe meyarê. Wexto ke ma şîyê, cinazaya lajê mi zereyê qabêk de dîyaye ma. Mi va ‘Şehîdî nêmirenê’ û polîsan waşt fekê mi bigerê. Polîsan heta dewe ma teqîb kerd. Qereqol vernîyê ma girewt. Ma bi tehdaya eskeran cinazaya xo defin kerd û înan nêverda ma ezayî ronê. Sebebê mergê lajê mi nêame vatiş. Ez vana înan lajê mi bi kîmyasalan kişto, beno ke weş bi û înan lajê mi kerdo lete-lete. Dewlete m ara waşt ke ma şorê vere HDPyî. La ma soz dayo domananê xo, ma do heta peynîya emrê xo hetê înan de bê û wayîrê xoverdayîşê înan bivejîyê.”

       

       

       

parvê bike

Nûçeyên ku dikare bala we bikşîne

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.