Çinhesibnayîşê Kurdkî çinhesibnayîşê Kurdan o

• Hetê sazîyanê ziwanî ra, 21ê Sibate Roja Ziwanê Dayike de malûmato şerîk ame dayene.

Derheqê 21ê Sibate Roja Ziwanê Dayîke ya Dinya de, hetê 14 sazîyanê ziwanî ra malûmatêk ame dayene. Derheqê erdlerze de erjnayîşî ameyê kerdene û ame dîyarkerdiş ke, polîtîkayanê talanî û rantî ver xisar hîna zaf zêdîyayo.

Armancê vurînayîşê demografîkî

Malûmatî de ame vatiş ke, “Bajaran de vurînayîşê demografîkî benê. No do asîmîlasyonî bizêdîyo. Şarê mintiqaya erdlerze bajaranê Kurdan de ney bajarnê Tirkan de yenê cakerdiş. Vurînayîşê demografîkî asîmîlasyon o û nîno qebulkerdiş.”

‘Ma wayîrê şarê xo û ziwanê xo vejîyenê’

Malûmatî de ame dîyarkerdiş ke, şar tersayo bi ziwanê xo haware biwazo û ame vatiş ke, “Çinhesibnayîşê Kurdkî çinhesibnayîşê Kurdan o. Şaro Kurd serran ra nat vera nê faşîzmî xo ver dano û wayîrê ziwanê xo vejîyeno. Ganî Kurdî paştî bidê yewbînî û estbîyayîşê xo bipawê. Ma na afate de dî ke çîyê muhîmî paştîdayîş û rêxistinîye yê. Eke rêxistinîya şarê ma çinbîyêne do rewşe hîna xirabe bibîyêne. Coka ma ganî na rêxistinîya xo hîna pîle bikerê. Sewbîna çare çin o. Ma sazîyê ziwanî, bi wesîleya 21ê Sibate Roja Ziwanê Dayîke ya Dinya vanê, ma do timûtim wayîrê şarê xo û ziwanê xo bivejîyê. Ma do şarê xo û ziwanê însafê sîstemî rê meverdê. Ma do heta peynîye perwerdeyê ziwanê Kurdkî bidê.”

Sazîyê îmzakarî nê yê: Enstîtuya Kurdî ya Amedê (Amed Kürt Enstitüsü), Enstîtuya Kurdî ya Stenbolê (İstanbul Kürt Enstitüsü), Komeleya Lêkolînên Çand û Ziman a Avestayê – Îzmîr (Avesta Dil ve Kültür Araştırmaları Derneği), Komeleya Lêkolînên Çand û Ziman a Botan – Sêrt (Botan Dil ve Kültür Araştırmaları Derneği), Komeleya Lêkolînên Çand û Ziman a Feradê – Semsûr(Ferad Dil ve Kültür Araştırmaları Derneği), Komeleya Lêkolînên Ziman û Çandê ya Arî-Derê – Êlih (Ari-Der Dil ve Kültür Araştırmaları Derneği), Komeleya Lêkolînên Ziman û Çandên Mezopotamyayê – Amed (Mezopotamya Dilleri ve Kültürleri Araştırmaları Derneği), Komeleya Navenda Lêkolînên Ziman, Çand û Hunerê ya Arsîsayê – Wan (Arsisa Dil, Kültür ve Sanat Merkezi Araştırmaları Derneği), Komeleya Wêjekarên Kurd – Amed (Kürt Edebiyatçıları Derneği), Komeleya Ziman û Çandê ya Birca Belek – Cizîr(Birca Belek Dil ve Kültür Derneği), Komeleya Ziman, Çand û Hunerê ya Enqayê – Enqere (Anka Dil, Kültür ve Sanat Derneği) ve Kovara Destar – Amed (Destar Dergisi).

MERKEZÊ XEBERAN