TJA xebatanê xo yê paştîdayîşî ramneno
duşem 27 sibatê 2023 - 00:42
Hemsereka Beledîyeya Silopîya Adalet Fîdane dîyar kerd ke, mintiqaya erdlerze de seba cinî û domanan kincanê binî rê îhtîyacî esta.
TJA, mintiqaya erdlerze de xebatanê xo ramneno û xebatanê paştîdayîşî pîl keno. Cinîyî do bi tedeyîya bernameyanê 8ê Adare şorê mintiqaya erdlerze.
Parlamentera HDPyî Dilşad Canbaz Kaya û Hemsereka Beledîyeya Silopîya Adalet Fîdane û cinîyê dildarî Bazarcix de kon bi kon gêrayê û hetê înan ra kêmanîyî ameyê tespîtkerdiş.
Adalet Fîdane dîyar kerd ke, îhtîyacîya şarî bi kincan esta. Reyna dîyar kerd ke, sabûn û şampûanî rê îhtîyacî esta û bitaybetî zî seba doman û cinîyan kincanê binî rê îhtîyacî esta.
Fîdane va, “Xebatê paştîdayîşî do dewam bikerê. 8ê Adare de zî ma do cinîyan reyde bêrê têhet û paştî bide înan. Heta pêro îhtîyacîyê şarî peyda bibê ma do kampanyayanê xo yê paştîdayîşî biramnê.”
MA / MEREŞ