Hemserekê Pêroyî yê HDPyî Sancar: Heqîqetê şarî paştîdayîş o

Hemserekê Pêroyî yê HDPyî Mîthat Sancarî va, “Îqtîdar wazeno heqîqetî bi zuran, qedexeyan û sansurî binimno la keda ci veng a.”

Hemserekê Pêroyî yê HDPyî Mîthat Sancar, bi heyetêk Semsûr de beşdarê loqme vilakerdişî bi. Sancarî tîya de gazîya paştîdayîşî kerde. 

‘Îqtîdar wazeno bi qedexeyan heqîqetî binimno’

Sancarî dîyar kerd ke, berpirsîyarê xisarî îqtîdar o û va, “Îqtîdar wazeno bi qedexeyan heqîqetî binimno û nêwazeno berpirsîyarî bigero xo ser. Şar heqîqetê xo cuwîyeno û heqîqetî vîneno. Îqtîdar wazeno biz uran û qedexeyan verê heqîqetî bigero la keda ci veng a. Şar heqîqetî cuwîyeno û bi xo vîneno.”

‘Cuye bi paştîdayîşî yena awankerdiş’

Sancarî va, “Heqîqetê şarî paştîdayîş o. Ma her ca de dî ke, şarê ma paştî dano yewbînî. Parekerdişê loqmeyan parekerdişê dejan o. Dejî bi parekerdişî kêmîyenê. Cuye bi paştîdayîşî yena awankerdiş. Ma do hêza xo bikerê yew û pêro pîya serbikewê.”

Vilakerdişê loqmeyan ra dima, hetê heyete HDPyî ra konbajarê Zulfîkar Yilmazî ame zîyaretkerdiş. Serekê Komeleya Kulturî yê Pîr Sultan Abdalî yê emsûrî Zulfîkar Yilmaz keyeyê xo reyde binê enkazê erdlerze de mend û înan cuya xo vîndî kerde. Sancarî tîya de gazîya paştîdayîşî kerde û dîyar kerd ke, destegîrîye do bêra pîlkerdene.

MA / SEMSÛR