Cinîyanê Sinêyijan ra pêşengeya hunerê destan

HÎMA RAD / NÛJINHA / SINE

Cinîyan Sinê de bi berhemanê keda xo ya hempare pêşengeyêk akerde. 

Bajarê Kurdistanê Rojhelatî yê Sinêyî de Parka Sepîdarî de hetê cinîyan ra pêşengeya hunerê destan ameye akerdene. Ciniyî bi berhemanê keda xo ameyê têhet. Cinîyî wazenê bi keda xo û bi pêşengeyan xoser û pay ra bimanê û birînanê xo bipêşê.

Pêşenge hetê komeleyanê ‘Jînkowî Hawdillî’ û ‘Rojiyay Sinedij’î û xeylê komeleyanê bînan ra ameya organîzekerdiş. Standî bi tewir-tewir berhamanê kulturîyan ameyê xemilnayîş. 

Ma wazenî cinîyî aver şorê

Kedkaranê pêşengeye ra û endama Komeleya Jînkowî Hawdillîyî Khadîjah Zandsalimî va, “Ma wazenê cinîyî xo aver de berê. Cinîyî bi nê xebatan hunerê xo yê destan aver de bene û xeylê berheman vejenê meydan. Raşta zî berhemê înan hende zêde bîyê ke, ma nêşkayê satandan de ca bikerê.

Pêşengeya hunerê destanî ya cinîyan do heta 14ê Temûze bêra zîyaretkerdiş.