Serewedartişê Îran û Rojhelatî kewt aşma xo ya 5ine

Şarî reyna dîyar kerd ke, ê do çalakîyanê xo biramnê.

Serewedartişê şarî yo ke qetilbîyayîşê Jîna Emînî ra dima Îran û Rojhelat de dest pêkerd 4 aşmê xo qedînayê. Şar dîyar kerd ke, ê heta birasê armancê xo do çalakîyî dewam bikerê. Zaningehan de zî vera rejîmî çalakîyî yenê kerdene.

Binçimgirewtişî dewam kenê

Rojhelat de xeylê kesî hetê hêzanê rejîmî ra gêrêiyayê binê çimî. Hefteyo verên Ciwanro de 50 kesî gêrîyayê binê çimî û nameyê înan ame eşkerakerdiş. Goreyê malûmatan, Sinê Seqiz, Dêwlan, Bokan û bajaranê bînan de zî xeylê kesî gêrîyayê binê çimî. 

Xeylê kesî gêrîyayê binê çimî, ameyê girewtene û ameyê vîndîkerdiş. Çalakîyî biney nişt ê la hêrsê şarî zaf pîl o. Yeno vatene ke, do çalakîyî reyna pîl bibê. Şar mesaj da ke, ê do kuçeyan terk mekerê. Zaningehan de çalakîyî dewam kenê. Wendekaran dîyar kerd ke, rejîm zaningehan reyde pîya xebitîyeno û wendekaran zaningehan ra dano eştene. Goreyê rêxistinanê heqanê merdiman, aşma Êlule ra nat 75 rojnamegerî ameyê girewtene û înan ra 30 kesî hema zî girewte yê.

Tewr kêmî 500 kesî ameyê qetilkerdiş

Sereyê çalakîyan ra nat tewr kêmî 500 kesî hetê hêzanê rejîmî ra ameyê qetilkerdiş. Nînan ra 120 kesî Kurd ê. Derheqê 112 kesî de qerarê îdamî ame dayene. Nînan ra 4 kesî ameyê îdamkerdiş. Ewro seba ke paştî bidîya şarê Îran û Rojhelatî do bajarê Fransayî yê Strasbourgî de mîtîngêko pîl bêro viraştene.

MERKEZÊ XEBERAN