Ciwananê Kurdistanijan ê Fransa kongreya yewine viraşte

Ciwanê kurdan ê ke Ewropa de ciwîyenê vera her asîlîlasyonî xo rêxistin kenê. Na çarçewa de Fransa de Ciwanê Kurdistanijî yê Fransa (CFK) ronîya.

Ciwananê kurdistanijan ê Fransa bi kongreya xo ya yewine vera qirkerdişê kulturelî ronîyayîşê xo îlan kerd.

Ciwanê kurdistanijê ke Fransa de ciwîyenê şaristanê Marsilya de ameyî têhet û bi şîarê “Vera qirkerdişê kulturelî xo rêxistin bikerê” bi kongreya xo ya yewine, ronîyayîşê rêxistina Ciwananê Kurdistanijan ê Fransa (CFK) îlan kerd.

Kongre de bire dîyaye ke Meclîsê CFKyî 21 kesan ra bêro pê, koordînasyon 9 kesan ra bêro pê. Kongre de Defne û Azad bîyî Vervatoxê CFKyî. Kongre de erk dîya koordînasyon ke 6 mengan ra dima kongreya diyîne serûber bikero.

Kongre ra dima vervatoxan eşkerayîye daye çapemenîye.

Eşkerayîye de ame parekerdene ke kurdê ke bi seserran raştê qirkerdişan ameyê, xêrê têkoşînê PKK û Serekê PKKyî Abdullah Ocalanî ra ewro eşkenê payan ser de vinderê. Ciwanan vat: “Ma sey ciwananê dîaspora dîyar kenê ke do wayîrê kulturê xo û mîrasê têgêrayîşê azadîye û Rayber Apoyî bipawê. Vera qirkerdişê kulturelî ma do erkê xo bîyarê ca û rêxistinîya xo aver berê. Ma do seba azadîya Rayber Apoyî xebat û çalakîyanê xo tim bikerê. Ma venga pêro ciwananê kurdistanijan danê ke bêrê ma pîya vera qirkerdişê kulturelî têkoşîn bikerê.”

XWEBÛN