Kampanyaya Îmrali rê erşawitişê kartpostalan dîyaye dest pêkerdene

Seba ke paştî bidîya kampanyaya ‘Abdullah Ocalanî rê azadî, meseleya Kurdan rê çareserî’, Ewrûpa de kampanyaya Îmrali rê erşawitişê kartpostalan dîyaye dest pêkerdene.

10ê Teşrîna Verêne de 74 merkezî de kampanyaya ‘Abdullah Ocalanî rê azadî, meseleya Kurdan rê çareserî’ dîyaye dest pêkerdene û na kampanya bi çalakîyan hîra bena. 

Ewrûpa de hetê KCDK-Eyî ra kampanyaya Îmrali rê erşawitişê kartpostalan ewro dîyaye dest pêkerdene.

Hemsereka KCDK-Eyî Zubeyde Zumrute dîyar kerd ke wextêk ra nata hedreyîya kampanya ameyêne kerdene û nika zî kampanya dîyaya dest pêkerdene.

Karpostalî bi ziwananê Îngîlîzkî, Fransîzkî, Îspanyolkî û xeylê ziwananê bînan de ameyê hedrekerdene. Bi kartpostalan azadîya fizîkî ya Ocalanî yena waştene û ca dîyeno mesajanê ey ê ke azadîya cinîyan, azadîya xoza û çareserîya krîzan ser o ameyê dayene.

Nê mesajan ra yew wina yo:

“Birêz Abdullah Ocalan, 

Şima vatibi komelo ke paştîya xo medo ekolojî bingeyê xo xurt nêbeno. Ez zerrî ra paştî dana nê perspektîfê şima û seba ke şima bieşkê fikranê xo yê ekolojîyê komelkîyî aver de berê ez azadîya şima ya fizîkî wazena.”

MERKEZÊ XEBERAN