Kampanyaya ‘Abdullah Ocalanî rê azadî, meseleya Kurdan rê çareserî’ ya ke 10ê Teşrîna Verêne de 74 merkezî de dîyaye dest pêkerdene pîle bena.
Serekê PKKyî Abdullah Ocalan û girewteyan Hamîlî Yildirim, Omer Hayrî Konar û Veysî Aktaşî ra 34 aşmî yo xebere nîna girewtene. Muracatê pêvînayîşî yenê redkerdene.
Vera tecrîdî, kampanyaya ‘Abdullah Ocalanî rêd azadî, meseleya Kurdan rê çareserî’ 10ê Teşrîna Verêne de Fransa de dîyaye dest pêkerdene û 74 merkezî de eşkerayîyê ameyê kerdene.
Destpêkerdişê kampanya ser ra 2 aşmî vîyartê. Nê 2 aşman mîyan de kampanya pîle bî û dinya ra vila bîye. Mîyanê nê 2 aşman de seba ke tecrîd bêro wedartene xeylê muracatî zî ameyê kerdene.
Çalakî, organîzasyon û muracatê ke ameyê kerdene ra tayî nê yê:
*10ê Teşrîna Verêne de hetê roşnvîr, sîyasetmedar, hiqûqnas û rojnamegeran ra 74 merkezî de kampanya dîyaye dest pêkerdene. Hûmara nê merkezan demêko kilm de 100yî vîyarnaye.
*28ê Teşrîna Verêne de ÎStanbûl de deklarasyonê ‘Gazîya Haştîye’ ame eşkerakerdene. Xeylê hunermend, roşnvîr, akademîsyen û sîyasetmedarî bîyê beşdarê deklarasyonî û înan seba çareserîya meseleya Kurdan gazîye kerde.
*29ê Teşrîna Verêne de Amed de hetê xeylê sazîyan ra deklarasyonêk ame eşkerakerdene.
*2yê Teşrîna Peyêne de parlamenteranê DEM Partîye veernîya meclîsî de eşkerayîye kerde û înan seba şîyayîşê Îmraliyî muracat kerd.
*18ê Teşrîna Peyêne de Kurdistan de, 19ê Teşrîna Peyêne de zî Tirkîya de ‘Rayîrşîyayîşê Azadîye’ dîya destpêkerdene.
*27 Teşrîna Peyêne de girewteyanê sîyasîyan dest bi grevê vêşanîye kerd.
*29ê Teşrîna Verêne de ÎHDyî seba ke heyetêk bierşawo Îmrali muracatê Wezaretîya Edaletî kerd.
*4ê Kanûne de Amed de bi rayberîya TUAY-DERî Nobeta Edaletî dîyaye dest pêkerdene û nobetî dima Wan, Edene, Mersîn û Îstanbûl de zî dest pêkerdê.
*10ê Kanûne de xeylê merkezanê dinya de kitabê Abdullah Ocalanî ameyê wendene û Feylesof Slavoj Zîzek zî bi beşdarê na çalakîye.
*16ê Kanûne de Parîs de bi beşdarîya xeylê kesan çalakîya ‘Merdimê vinderteyî’ ameye kerdene.
*20ê Kanûne de kampanyaya Îmraliyî rê erşawitişê mektub û qertan dîyaye dest pêkerdene.
MERKEZÊ XEBERAN
parvê bike
Nûçeyên ku dikare bala we bikşîne
