Ciwanî xo seba çalakîya ‘Raywanîya Azadîye’ hedre kenê

Ciwanî Kurdî û Enternasyonalîstî, bi waştişê azadîya fizîkî ya Serekê PKKyî Abdullah Ocalanî xo çalakîya ‘Raywanîya Azadîye’ rê hedre kenê.

Ciwanî Kurdî û Enternasyonalîstî, bi waştişê azadîya fizîkî ya Serekê PKKyî Abdullah Ocalanî xo çalakîya ‘Raywanîya Azadîye’ ya 2yine rê hedre kenê. Raywanîya Azadîye do çarçeweya kampanyaya ‘Abdullah Ocalanî rê azadî, meseleya Kurdan rê çareserî’ de bajarê Mannheimî yê Almanya de 9ê Sibate de dest pêbikera. Çalakîye do 16ê Sibate de bajarê Strasbourgî yê Fransa de bi konferansêk biqedîya.

Derheqê çalakîye de eşkerayîye

Hetê komîteya hedrekerdişî ra derheqê çalakîye de eşkerayîye ameye kerdene. Eşkerayîye de ame vatene ke, “15ê Sibate de şexsê Abdullah Ocalanî de vera şarê Kurdî komployêka mîyanneteweyî ameye ramitene û na rojêka qirkerdişî ya. Tecrîdo ke sey dewamê komploye yeno ramitene bi mîyanneyeweyî dewam keno. 34 aşmî yo Abdullah Ocalanî ra xebere nîna girewtene. Hetê cinî û ciwananê Kurdan ra no tecrîd û sîstemê qirkerdişî çirey nêameyê qebûlkerdiş. Ciwan û cinîyan nêverda ke komploya mîyanneteweyî serbikewa. Komploya mîyanneteweyî reyna karî de ya û hêrişê qirkerdişî zî zêdîyayê. Ma ciwanê Kurdî, konseptê îmhakerdişî nêşinasnenê.”

MERKEZÊ XEBERAN