Federasyonê Yewîtîya Elewîyan ê Ewrûpayî DEM Partîye zîyaret kerd

Heyetê rêxistinanê Elewîyan, Hemserekanê DEM Partîye reyde ameyê têhet.

Federasyonê Yewîtîya Elewîyan ê Ewrûpayî û rêxistinê Elewîyan DEM Partîya zîyaret kerd û Hemserekanê DEM Partîye Tulay Hatîmogullari û Tuncer Bakirhanî reyde ameyê têhet. 

Verê zîyaretî Hemsereka DEM Partîye Tulay Hatîmogullari qisey kerd û va, “Mas ey DEM Partîye vanê ke, bawerî û şarî do bieşkê mîyanê haştîye de têhet de biciwîyê. Ganî heqê şar û bawerîyan bi Qanûnê Bingeyî bigêrîyê binê garantiye û têduştîye bêra awankerdene. Ma do seba nê çîyan xoverdayîşê xo biramnê. Îqtîdarê AKPyî bi kodanê komelî kay keno û pûçkerdişê nê polîtîkayan wezîfeya ma pêrunan a.”

‘Elewîyî Ewrûpa de organîze bîyê’

Dime ra Serekê Federasyonê Yewîtîya Elewîyan ê Elmanyayî Huseyîn Matî qisey kerd û va, “Seba ke ma tîya de yê ma zaf keyfweş ê. Xeylê reyan ma ameyê têhet. Elewîyanê Ewrûpayî pêro heqê xo vistê xo dest. Elewîyî Ewrûpa de organîze bîyê û înan va ma ça de benê bibê ganî îdareyê ucayî de ca bigerê. Qanûnanê Bingeyîyan ê welatanê Ewrûpa de azadîya bawerî û wîjdanî est a. Heqê hemwelatîya têduşte est o. Dewletî mecbûrê ke nê esasan biyarê ca.”

Qiseykerdişan ra dima kombîyayîş bê beşdarîya çapemenîye dewam kerd.

MA / ENQERA