Villumsen: Mefteyê azadîya Rojhelatê Mîyanênî Ocalan o

Endamê Parlamentoya Ewrûpa Nikolaj Villumsenî dîyar kerd ke ganî Yewîtîya Ewrûpa seba azadîya Abdullah Ocalanî gazîye bikera.

Parlamenterê Danîmarka yê Parlamentoya Ewrûpa Nikolaj Villumsenî derheqê tecrîdî de ANHAyî rê qisey kerd. Ey dîyar kerd ke tecrîd binpaykerdişê heqê merdiman o û va, “Tecrîd eynî wext de vera Kurdan û muxalefetî bêçaretîya Erdoganî ramojneno.”

Seba haştîye muhîmîya ci

Villumsenî dîyar kerd ke wedarnayîşê tecrîdî do bibo gamêka muhîme û va, “Seba ke meseleya Kurdan bi rayanê demokratîkan bêra çareserkerdene ganî tim eleqe bêro ramojnayene. Ma zanê ke eke hukmatê Erdoganî bikewo do Tirkîya de vernîya demokrasî abiba û meseleya Kurdan bi sîyasî bieşka çareser biba. Erdogan tena şarê Tirkîya rê ney, Rojava û Kurdistanê Başûrî de zî vera Kurdan hêrişanê îşxalkarîye ramneno û hiqûqê mîyanneteweyî binpay keno.”

‘Ganî Yewîya Ewrûpa veng bikera’

Villumsenî dîyar kerd ke meseleya Kurdan ganî hîna zêde rojdemê PEyî de ca bigera û va, “Vera hêrişkarîya Erdoganî ganî Yewîya Ewrûpa vengê xo berz bikera, gaman bierza û ganî heqanê merdiman û hiqûqî bipawa. Mefteyê azadî û îstiqararî yê Rojhelatê Mîyanênî Abdullah Ocalan o. Seba ke meseleya Kurdan de vernîya çareserîye abiba, ganî Yewîya Ewrûpa seba azadîya Ocalanî gazîye bikera.”

YENÎ YAŞAM