Cizîrî ra heta Wan: Zulmê 30 serran

pêncşem 23 hezîranê 2022 - 09:36

Wan Elbakî de welatîyêk gêrîya binê çimî, eskeran guleyî teqnayî û cinîyî raştê darbanê înan ameyê. Na rewşe Newroza Cizîrî arde vîrê şuxilnayoxanê medyaya sosyale.

Wan Elbak mezraya Sersûlî de Mehmet Emîn Atli hetê eskeran ra gêrîya binê çimî. Eskeran badê girewtişê ey, xeylê guleyî teqnayê. Cinîyan waşt ver bigerê la hetê eskeran ra darb bîyê. Walîyê Wanî derheqê meseleye de malûmatêk da û paştî da kerdenanê eskeran. Dîmenî medyaya sosyale de ameyê rexnekerdiş. 

‘Zulim nêbedilîyeno’

Nuştox Bedel Boselîyî parekerdişê xo de va, “Serrî bibîyerê zî, vera Kurdan zulmê Dewleta Tirkîya nêbedilîyeno. Dîmenê Elbakî, Newroza Cizîrî ard mi vîrî. Eskerê Tirkan Kurdan genê binê çimî û cinîyan darb kenê.”

Cizîr de se bibi?

1992yî de Cizîr de şarî waşt Newroze pîroze bikero. Şar ver bi meydanî kewt rayîr la wexto ke ameyê serê Cehdeyê Nisêbînî, polîsan vernîyê înan girewt. Şarî waş raya xo dewam bikerê la panzerêk ra guleyî varayî înan ser. Xeylê kesî ameyê kiştiş û polîsan bi îşkenceyan xeylê kesî girewtî berdê. Rojnamegerî zî raştê hêrîşan ameyê û rojnamegerêk ame kiştene. Raşta zî qetlîamêk amebi kerdene û 100 zêder welatîyî ameybî kiştiş.

MERKEZÊ XEBERAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.