‘Dersa Kurdkî rê eleqa kêmîyayo’

Şubeya Egîtîm-Senî ya Şirnexî va: ‘Eke ma nufisê Kurdan bifikirê, dersa Kurdkî rê eleqa kêmîyayo.’

Şubeya Egîtîm-Senî ya Şirnaxî seba ke paştî bida kampanyaya zinwanê Kurdkî kursêk akerd. Kurs 10 rojan ra ver ame dest pêkerdiş û heta nika 30 kesî beşdarê kursî bîyê. Bi goreyê waştişî sinifêka dîyine ameya akerdene. Hemserekê Şubeye Adnan Şenbayramî va, “Çîyêko baş o ke dersa Kurdkî kewta mufredatî la ganî perwerde bi temamî Kurdkî bêro dayene. Ma vatêne emser mabeyne 200-300 hezar wendekarî dersa Kurdkî weçînenê la 20 hezar wendekaran derse weçîna. Raşta zî na hûmare zaf kêmî ya. Şirnex de tena mektebêk de sinifa Kurdkî esta. Mamosteyî nînê tayînkerdiş û no zî qîmetê ziwanî fîneno. Nifusê Şirnexî 600 hezar o û tena sinifêka Kurdkî esta. Na rewşêka zaf xirab a. No wina bi gamanê hurdelekan nêbeno. Ganî Kurdkî bibo wayîrê statuyî û ganî bibo ziwanê perwerdeyî. Kes nêşkeno ziwanê yew miletî çin bihesibno. Komela ke bi ziwanê xo perwerde biwaza ganî no waştiş biyero ca.”

GAZETE DUVAR / ŞIRNEX