Wendekarê Kurdî: Ma do xoverdayîşê xo hîna pîl bikerê

Wendekarê Kurdî Zaningehê Akdenizî de raştê hêrîşa faşîstan ameybî. Wendekarê Kurdî ameyê pêser û înan va, “Ma do vera nê hêrîşan xoverdayîşê xo hîna pîl bikerê.”

Rêxistinê Ciwanan ê Enqerayî, seba protestokerdişê hêrişanê faşîstan Kuçeyê Adakaleyî de ameyê pêser. Wendekaran bi Kurdkî û Tirkî sloganî eştê. Înan va, “Vera faşîzmî wa bicuwîyo xoverdayîşo şorişane” û reyna nînan va “Ma do hesabê nê hêrîşan bipersê.”

‘Ma do timûtim pay ra bimanê’

Bi nameye wendekaran Berîvan Kaylû qisey kerd û va, “Naye ra verî zî xeylê cayan de wendekarê welatperwerî raştê hêrîşanê faşîstan ameybî. Dewlete wazena poîkîkayanê qirkerdişî yê 100 serran dewam bikera. Ma do hem bi qelama xo hem zî bi nekuçanê xo verê nê hêrişan bigerê. Ma heta ewro senî xo vera pêro hêrişan pawito, ma do ewro ra têpîya zî tim pay ra bimanê û xoverdayîşê xo hîna pîl bikerê.” Sewbîna Kocaelî, Îzmir û Hetayî de zî wendekarî ameyê pêser û hêrîşa faşîstan ameye protestokerdiş.

MA/ENQERA