Hemsereka Enstîtuya Kurdî ya Îstanbûlî Remzîye Alparslane dîyar kerd ke mîrasê Kurdan xoverdayîş o.
Enstîtûya Kurdî ya Îstanbûlî, bi wesîleya serrgêra xo ya 31ine Merkezê Kulturî yê Mezopotamyayî de çalaki viraşte. Ziwanzan Zana Farqînî, Hemsereka Enstîtuya Kurdî ya Îstanbûlî Remzîye Alparslane, Înîsîyatîfê Dayîkanê Haştîye, Dayîkê Nobeta Edaletî, hunermendê MKMyî û xeylê welatîyî bîyê beşdarê çalakî.
Mîrasê Kurdan
Çalakî de verî sînevîzyon ame temaşekerdene û dima Remzîye Alparslane qisey kerd û va, “Ez zaf kêfweş a ke ma tîya de ameyê têhet. Heta ewro têkoşîn û xoverdayîş bîyo mîrasê Kurdan. Ma ganî xoverdayîşî birasnê netîce, ziwanê ma ganî bibo wayîrê statü û şarê ma bibo azad. Ma do xoverdayîşê xo rimannê.”
Zana Farqînîyî zî va, “Na roje seba ma rojêka zaf muhîm a. Ma do emanetê Mûsa Anteran bipawê.”
Qiseykerdişan ra dima sertîfîkayî dîyayê kursîyeran. Dima hetê hunermendanê MKMyî ra deyîrî ameyê vatene û govende ameye girewtene.
MA / ÎSTANBÛL
parvê bike
Nûçeyên ku dikare bala we bikşîne
