Efendî: Ocalanî Kurdistan ard pêser

Hemsereka Meclîsê Keyeyanê Şehîdan ê Herêma Firatî Ayşe Efendîye dîyar kerd ke Rayberê Şarê Kurdî Abdullah Ocalanî çar leteyê Kurdistanî ard pêser.

Key ke Ayşe Efendîye Halep de wendêne, Ocalan tewrê kombîyayîşê şarî bî. A zî tewrê ci bîye. Efendî hîsanê xo wina teswîr kena: “Ez seba ke mi Serek dî xo zaf bişans hîs kena. Serekî kultur û hunerê kurdan ser o qisey kerd. Ey derheqê girîngîya kultur û hunerê kurdan, pawitiş û raverberdişê kultur û hunerî de tayê ercnayîşî kerdî. Verê cû mi seba pêvînayîşî provayê qiseykerdişî kerdbî. La key ke mi o dî, ez nêeşkaya bi ey qisey bikerî. Gama ke Serekî qisey kerd, zaf tesîrdar bî. O xeylê baldar bî û salone de waştêne her kesî nas bikero.”

Efendîye wina dewam kerd: “Gama ke mi paradîgmaya Serekî ereban rê zelal kerde, înan mi rê vat ‘çira şima ma rê verî qala na babete nêkerde. O hende wext Sûrîye de mend, werrekna ma bi ey yewbînî bişinasnayêne. Senî ke Serekîye pê paradîgmaya xo ya demokratîke, ekolojîke û azadîperwer a ke cinîyan azad kena, çar leteyê Kurdistanî ard pêser û heqê pêro cinîyan ramojnayî heme dinya, ma zî eşkenê bi paradîgma û doktrînê Serekî xo aver berê û xorînîye qezenç bikerê.”

XWEBÛN