Gewer, Rayîrşîyayîşê Gemlîkî rê hedre yo

Perrêkî Rayîrşîyayîşê Gemlîkî do 6ê Sibate de Gever de dest pêbikero. Hedreyîyê rayîrşîyayîşî dewam kenê.

Komploya mîyanneteweyî 24 serrê xo qedînayê. Vera komplo û tecrîdî do 6ê Sibate de ver bi Gemlîkî, Qoser û Geverî ra rayîrşîyayîşêk bidîyo dest pêkerdene. Rayîrşîyayîş do 15ê Sibate de Gemlîk de biqedîyo. Perrêkî rayîrşîyayîşî do Gever ra vejîyo raye û Gever de hedreyîyî dewam kenê.

‘Cayê çareserîye Îmrali yo’

Hemserekê DBPyî yê Geverî Evlîya Alkanî va, “No rayîrşîyayîş seba çareserîye yeno kerdene. Kurdistan, Tirkîya û Rojhelato Mîyanên de mefteyê haştîye Birêz Ocalan o. Tecrîdî ver şer giran beno. Ma seba ke tecrîdî bişiknê rayra şonê. Cayê çareserîye û haştîye Îmrali yo.”

Alkanî dîyar kerd ke, 6ê Sibate de vernîya awanîya partîye de do malûmatêk bêro dayene û dima rayîrşîyayîş dest pêbikero.

‘Tecrîd bişikîyo do haştîye bêra’

Hemserekê HDPyî yê Geverî Şoreş Dîrîyî va, “Tecrîd rasayo astêka berze. Eke tecrîd bişikîyo, do haştîye û demokrasî bêrê. Ma do heyete xo bi hêvîya haştîye ver bi Gemlîk raşt bikerê.”

Gazîya beşdarbîyayîşî

Dîrîyî seba çareserîye her kesî silayna rayîrşîyayîşî û va, “Hedrerîyê ma bêmabên dewam kenê. Ma do ver bi Elbakî perrêkî rayîrşîyayîşî raşt bikerê. Ma her kesî silaynenê rayîrşîyayîşî. Şarê ma yo welatperwer ganî îradeyê xo ramojno.”

MA / COLEMÊRG