Hetê Zaningehê Artûklûyî ra konsero Kurdkî ame astengkerdiş

Hunermenda Kurde Pervîn Çakare va, “Seba ke repertûarê mi de berhemê Kurdkî estê, Zaningehê Artûlûyî ewwane nêdaye mi.”

Sopranoya Kurde Perwîn Çakare seba ke konser bido muraceatê Zaningehê Artûklûyî kerdibi. Seba ke repertûarê ci de berhemê Kurdkî estê, eywane nêdîyaya ci.

Perwîn Çakare derheqê qedexeyî de medyaya sosyale ser ra malûmatêk weşana. Çakare malûmatê xo de va, “Ma seba ke konserêk bidê, aşma Gulane de Zaningehê Artûklûyî rê muraceat kerd. Rektor xeylê pozîtîf bi. Dima înan repertûarê konserî waşt. Seba ke repertûarê mi de berhemê Kurdkî estê, înan eywana konseri nedaye mi. Ez zaf xemgîna ke nêşkena bajarê xo de konserêk bida. Kes nêşkeno hunermendan ra biperso ke repertûarê înan de kamcîn ziwanî estê. No sûcê merdimatîye yo.”

MA / MÊRDÎN