Zana Farqînî: Eke Kurdkî estbîyayîşê ma ya, ma ganî wayîr bivejîyê

Ziwanzan Zana Farqînîyî dîyar kerd ke Kurdkî raştê tedayanê sîstematîkan yena û eke estbîyayîşê ma ya, ma ganî gande bigerê.

Ziwanzan Zana Farqînî ronayoxanê Enstîtuya Kurdî ya Îstanbûlî yo û 1997 ra heta 2008 tîya de xebatê xo ramnayê. Farqînî 2000î ra nat xebatanê xo yê ferhengî zî ramneno. Ey tedayê ke Kurdkî rê benê erjnayê û bale ante muhîmîya averberdişê ziwanî ser o.

Dewamîya ziwanî

Farqînîyî dîyar kerd ke dewamîya ziwanî de doman û ciwanî zaf muhîm ê. Ey va, “Hêdî-hêdî ziwanê zereyê keyeyan beno Tirkî. Eke keyeyanê ma de ziwan bibedilîyo, dîyar o ke ma kewtê mîyanê şaşîtîya pîle. Ma ganî wayîrê ziwanê xo bivejîyê. Meseleya ziwanî xoşinasnayîşî reyde têkildar o. Ma vanê ziwanê ma estbîyayîşê ma yo, ziwanê ma rûmetê ma yo. Eke wina yo, ma ganî tena sloganan meerzê, ma ganî ziwanê xo gande bikerê.”

3 çîyê bingeyinî

Farqînîyî dîyar kerd ke 3 çîyê bingeyîyî estê û va, “Hedrekerdişê elfeba, gramer û viraştişê ferhengan ziwanî de zaf muhîm ê. Ziwan xezîne ya û na xezîna zî gande ya. Ti çend erey bikewî, ti hende çîyan vîndî kenê.”

‘Kurdkî ra tersenê’

Zana Farqînîyî peynî de va, “Dewlete Kurdkî ra tersena. Zana ke Kurdkî çiqas muhîm a û coka ziwanî rê tehda kena û qedexeyan ferz kena.”

MA / ÎSTANBÛL