Hîkayeya xoverdayîşî: Yadê

Nûçeyên Çand/Huner

duşem 16 gulanê 2022 - 20:10

  • Cuya dayîka Samîya Dogane ya 90 serrîye mîyanê xoverdayîşan de vîyerta. Cuya aye ser o fîlmêk ameyo antene.

Cuya dayîka Samîya Dogane ya 90 serrîye mîyanê xoverdayîşan de vîyerta. Cuya aye ser o fîlmêk ameyo antene.

Fîlm hetê derhênere Deniz Demane ra ameyo antene. Deniz Deman vana, “Na hîkayeya çinarêr a se serrî ya.” Ma fîlmî de hîkayeya cinîyêka xoverdayoxe vînenê. Keyeyê daya Samîya 1917î de bar kerdo şîyo binxetî. Înan xovardayîşê Keyeyê Hacoyî de ca girettibî. Samîya Dogane Qamişlo de bîya. 11 serrîya aye de ef vejîyayo û keyeyê ci agêrayo ameyo Mîdyad.

Xo eşte bextê koyan

Înan dewa Hermêsî de ca da xo. 4 serran ra dima tîya de Sûryanîyî raştê hêrîşan ameyê. Daya Samîya înan reyde xo ver da. Şer bi pîl, daya Samîya, pîy û apê aye û çen kesê bînî xo eştê bextê koyan û înan verê xo da Koyê Mawayî yê hetê Êlihî. Înan reyna vere xo çarna hetê binxetî. 

Xoverdayîşê Azadîya Kurdan

Samîya Dogane nêwaşt bizewicîya la bi zor ameye zewicyayîş. 6 domanê aye bîyê la a tim  vera tehdaya camêrdan û komele xo pawitêne. Badê mêrdeyê aye merd la keyeyê ci waşt aye reyna bizewicnê. Daya Samîya reyna nêzewicîyaye û emrê xo da xoverdayîşê azadîya Kurdan. 2 keynayê ci waştê beşdarê PKKyî bibê û aye bi deste xo ê kerdê hedre û erşawitê. Keynayêka aye şehîd kewena û a bena Dayîka heme Kurdan. 

MA/KOLN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.