Îqtîdarî mecbûrê ke Abdullah Ocalanî muxatab bigerê

MEHMET ASLAN / MA / ÎSTANBÛL

Namzetê parlamenterîye yê Partîya Çep a Keske yê Îstanbûlî Ozturk Turkdoganî dîyar kerd ke, kam yeno îqtîdar wa bêro, mecbûro ke Abdullah Ocalanî muxatab bigero.

Namzetê parlementerîye yê Partîya Çep a Keske yê Îstanbûlî Ozturk Turkdoganî, derheqê rewşa Abdullah Ocalanî de erjnayîşî kerdê.

Turkdoganî va, “Abdullah Ocalan sey rayberê şarî yeno vînayene. Tirkîya PKKyî reyde mîyanêd şerî de ya. Abdullah Ocalan zî serekê PKKyî yo. Eke seba çareserîya meseleya Kurdan gamêk bierzîya, ganî fikrê Abdullah Ocalanî bêrê girewtene. Şima mecbûrê ke Abdullah Ocalanî muxatab bigerê. Kam îqtîdar bo wa bibo, ganî Partîya Çep a Keske de pêvînayîşan bikero û seba çareserîye zî Abdullah Ocalanî muxatab bigero. Çunke şar û rêxistin sey adresî ey ramojnenê.”

Turkdoganî dewamê qiseykerdişê xo de va, “Eke dîalog û muzakereyî bibê, ganî şertê nînan bêrê awankerdiş. Eke nê bibê, do asanîye biba. Pereyê ke şerî rê xerc benê do meseleyanê bînan rê bêrê xerckerdiş. Dima zî do haştîya komelkî bêra awankerdiş û probleme bînî zî bêrê safîkerdene.”