AGIT û AKPM: Weçînayîşî bi edîlane nêameyê viraştene

Sazîyanê mîyannetewîyan dîyar kerd ke prosesê weçînayîşî de mîyanê partî û namzetan de têduştîye çin bî.

Weçînayîşê 14ê Gulane hetê sazîyanê mîyannetewîyan ra ameyê teqîbkerdiş. 40 welatan ra 401 kesan weçînayîş teqîb kerd.

Hetê AGIT û AKPMyî ra derheqê weçînayîşî de Enqera de kombîyayîşêk ame viraştene. Ame dîyarkerdiş ke şertê edîlî çin bî û ame vatiş ke, “Serekkomarî û partîyanê îqtîdarî avantajêko neheq ra feyde girewto. Heqê xo îfadekerdişî û rêxistinkerdişî ameyê binpaykerdiş û komelo sivîl û meyda nêeşkayê beşdarê prosesê weçînayîşî bibê.”

Teqîbkaran dîyar kerd ke mabênê namzetan de hetê şertan ra têduştîye çin bî la reyna zî reqabetêk estibi. Înan dîyar kerd ke ê do weçînayîşê tura dîyine zî teqîb bikerê.

MERKEZÊ XEBERAN