Tehtîdê AKPyî û fermandarî: Şima ganî raya xo bide Erdoganî

Dewanê Qilebanî de şar yeno tehtîdkerdiş ke raya xo bido Erdoganî.

Bakurê Kurdistanî û Tirkîya de weçînayîşê serekkomarîye û parlamenterîye 14ê Gulane de ameyê kerdene. Turê yewinî de bakurê Kurdistanî de Kiliçdaroglûyî rê xeylê rayî vejîyayê. Nika şar hetê AKPyî û eskeran ra yeno tehtîdkerdiş ke raya xo bido Erdoganî.

Bi tehtîdî rayan wazenê

Qezaya Qilebanî ya Şirnexî de serekê AKPyî û fermandarê qereqolî dewijanê dewanê Kiror, Herdîş û Nêrwehê reyde kombîyayîşêk viraşt. Kombîyayîşî de serekê AKPyî yê Qilebanî dewîjî tehtîd kerdê û vato, “Hende qoricîyê ma tîya de estê senî beno ke Partîya Çep a Keske û Kiliçdaroglûyî rê rayî vejîyenê. La ma şima ra nêvatibi ganî rayî mevejîyê?”

Dewijan dîyar kerdo ke hetê serekê AKPyî û qereqolî ra înan rê teda ameya kerdene ke rayanê xo bidê Erdoganî.

XWEBÛN