YSKyî hîle kerdo

Netîceya weçînayîşê 14ê Gulane mîyanê şarî de yena nîqaşkerdene. Eşkera beno ke îqtîdarê AKP-MHPyî weçînayîşan de xeylêk hîleyî kerdê.

Qezaya Bismilî ya Amedî de sindoqêke de Partîya Çep a Keske rê 233 rayî dîyayî. Labelê sîstemê YSKyî de nê rayî partîya nîjadpereste MHPyî rê nusîyayî.

Eşkera bi ke qezaya Bismilî ya Amedî de sindoqêka rayan a Dibistana Esma Ocak de 233 rayê Partîya Çep a Keske sîstemê YSKyî de partîya nîjadpereste MHPyî rê ameyê nuştene. La MHPyî na sindoqe de rayêke zî nêgirewtbî.

Hemsereka HDPyî ya Amedî Gulîstan Atasoye derheqê babete de vat: “Bi nê hawayî xeylêk rayê ma MHPyî rê nusîyayê. Ma do ewro Heyetê Weçînayîşî yê Berzî rê gerreyê ney bikerê û îtîraz bikerê.”

XWEBÛN