Xelata heqanê merdiman dîyaye Şaîr û akademîsyena Kurde Choman Hardîye

Şaîr, akademîsyen û açarnayoxa Kurde Choman Hardîye, Xelata Heqanê Merdiman a Fransiz-Almanî girewte.

Şaîr, akademîsyen û açarnayoxa Kurde Choman Hardîye, roja Dişemeyî Hewlêr de Xelata Heqanê Merdiman a Fransiz-Almanî girewte.

Choman Hardîye resepsîyonê xelatdayîşî de va, “Na xelate tena paştî nêdana xebatanê ma yê ke derheqê heqanê merdiman de yenê kerdene, eynî wext de cewab dana şîdetê sembolîkê ke ma her roje raştê ci yenê.”

Choman Hardî kam a?

Şaîr, akademîsyen û açarnayox a. Zaningehê Amerîkanî yê Silêmanîye de akademîsyen a. Aye perwerdeyê xo yê lisans, lîsansê berzî û doktorayî zaningehanê sey Oxford, Londonî de kerdê. Doktoraya xo ra dima xebatanê xo cinîyê ke Enfalî ra xelisîyayê ser o kerdê. Zaningehê Uppsalayî de sey akademîsyena mêmane xebitîyaye.

Choman Hardî kenaya şaîrê Kurdî Ehmed Hardîyî ya. 5 kitabê ci yê bi îngîlîzkî est ê û kitabê aye xeylê xelatî girewtê. Choman Hardîye 3 cîldî şîîrê Kurdkî û 2 cîldî şîîrê Îngîlîzkî weşanayê.

YENÎ YAŞAM