Konferansê Meclîsa Cinîyan a Rojavayî: Tirkîya sucdar a

• Meclîsa Cinîyan a Rojavayî, bi sernameyê “Cinîyê Rojavayî binê îşxalê Tirkîya de dej ancenê’yî konferansêk viraşt.

Meclîsa Cinîyan a Rojavayî, bi sernameyê “Cinîyê Rojavayî binê îşxalê Tirkîya de dej ancenê’yî konferansêk viraşt.

Konferans Qamişlo de Eywana Zanayî de virazîya. Konferansî de xeylê cinîyî ameyê têhet û înan îxlalanê Tirkîya ser o qisey kerd. Endama Meclîsa Cinîyan Naîle Mehmûd va, “Şerê Sûrîye de dewletan teber ra zaf mudaxeleyî kerdê. Tirkîya tîya de vera merdimatîye sucê zaf giranî kerdê. Hema zî tehdîdê Tirkîya Rojava de dewam keno. Tewr zêde zî Kurdî, Xiristîyanî û Êzidîyî nê îşxalî ra mutesîr benê. Însanî merbûrî mendê ke koç bikerê. Sîvîlî kişîyayê û demografî ame bedilnayîş. Hêrîşanê Tirkîya de 115 cinîyî û 113 domanî qetil bîyê. Tîya de seba cinîyan şerê estbîyayîşî esto.”

Peynîya konferansî de, Meclîsa Cinîyan a Rojavajî pêşnîyazî rêze kerdê û bin o qeyde konferans ame qedînayîş.

NÛJINHA / QAMIŞLO