Kûrûla Tib a Edlî va ‘Tercumanê Kurdkî çin ê’ û hîkayeya ci goştarî nêkerd

Kûrûla Tib a Edlî bi mehneyê çinbîyayîşê tercumanê Kurdkî hîkayeya Makbule Ozere(80) goştarî nêkerd û raporê ci do bi goreyê raporanê verênan hedre bibo.

Artemêta Wanî de bi îdaayê ‘rêxistinî rê hetkarîye’yî 2 serrî û aşmêk ceza dîyaye Makbule Ozer a 80 serrî. Makbule Ozere 9ê Gulane de ameye girewtiş û na kokimîya xo de û bi hele xo yê nêweşî hepis de ya. Çend rojan ra ver rewşa xo ya hisetî ver sewqê Kûrûla Tib a Edlî ya Îstanbûlî bibî. Goreyê awiqata ci Dîlan Kunte Kûrûla Tib a Edlî vata tercumanê Kurdkî çin ê û înan goş nênayo vateyanê aye ser. Goreyê malûmatanê Kunte, kûrûle vata vernîyê ma de rapor esto û hewce nêkeno ti çîyêk vajî. Raporê Makbule Ozere do hefteyêk ra dima bêro eşkerakerdiş. Qerarê kûrûle ra dima Maklule Ozere reyna sewqê Hepisxaneyê Wanî bî.

‘Rewşa aye xirab a’

Awiqata Makbule Ozere Dîlan Kunte va, “Rewşa aye xirab a. Reaksîyonê ci yê alerjîkî zêdîyayê û leşa aye bîya sîya. Aye va ez hinî nêwazena tîya de bimana. Ma do derheqê rewşa sihetî yê Makbule Ozere de raporêko hîra herde bikerê û çapemenîye reyde pare bikerê.”

MA / WAN