‘Ma do ver bi azadîye rayra şorê’

• Hetê hemserekanê DBP û HDPyî yê qezaya Rezanî ra, rayîrşîyayîşê Gemlîkî rê gazîya beşdarbîyayîşî ameye kerdene.

6ê Sibate de do vera tecrîdî Qoser û Gever ra ver bi Gemlîk rayîrşîyayîş bidîyo dest pêkerdiş. Rayîrşîyayîş do 15ê Sibate serrgêra komploya mîyanneteweyî de Gemlîk de biqedîyo. Hetê hemserekanê DBP û HDPyî yê Rezanî ra, rayîrşîyayîşî rê gazîya beşdarbîyayîşî ameye kerdene.

‘Tecrîd do bişikîyo’

Hemsereka HDPyî ya qezaya Rezanî Sumeyye Kirici diyar kerd ke ê kewtê mîyanê hedreyîyan û va, “Rayîrşîyayîşê Gemlîkî seba Kurdan zaf muhîm o. Ma şarê xo ra vanê, ganî  her ca de paştî bidîyo rayîrşîyayîşî. Tecrîd, şexsê Rayberê Şarê Kurdî Abdullah Ocalanî de her kesî ser de, bitaybetî zî hepisxaneyan de yeno ramitene. Heta tecrîdê serokatî meşikîyo, Kurdan ser de zî tecrîd wenedarîyeno. Eke tecrîd bişikîyo, azadî û haştîye do newe ra bêrê awankerdiş.”

‘Ma ver bi haştîye şonê’

Dewamê qiseyanê xo de Kirici va, “22 aşmî yo ke Rayberê Şarê Kurdî Abdullah Ocalanî ra xebere nîna girewtiş. Ma nêzanê sihetê ci senîn o. Na rewşe hinî zaf bîya cidî. Ma seba ke serokatî ra xebere bigerê, seba şikitişê tecrîdî ma do rayra şorê. Ma dostanê xo silaynenê rayîrşîyayîşê Gemlîkî.”

‘Şarî binê tecrîdî de yê’

Hemserekê DBPyî yê qezaya Rezanî Ahmed Candanî zî va, “Tecrîdê Birêz Ocalanî yeno vateyê tecrîdê pêro şaran. Wa şarê paştî bido rayîrşîyayîşî. Wa venga dewlete danê û vanê hinî bes o, wa no tecrîd hinî wedarîyo. Ma nînan heq nêkenê. Serokatî rûmetê ma yo. Wa şar wayîrê rûmetê xo bivejîyo. Wa dewlete zî rayberê şarî rê hurmet bikero û tecrîdî wedarno. Wa şarê ma bibo beşdarê rayîrşîyayîşî û paştî bido.”

MA / DÎYARBEKIR