‘Ma eşkenê tecrîdî bişiknê û azadîya xo awan bikerê’

Meclîsa Sihetî ya Kongreya Komela Demokratîke va, “Tecrîd qirkerdişo komelkî yo. Ma eşkenê xo ver bide, tecrîdî bişiknê û haştî û azadîya xo awan bikerê.”

Meclîsa Sihetî ya Kongreya Komela Demokratîke bale ante tectîdê serekê PKKyî Abbullah Ocalanî ser. Meclîsa Sihetî derheqê tedrîdê Ocalanî û meseleyanê rojaneyî ser malûmatêko nuştekî weşana.

‘Tecrîd bi vila’

Malûmatê xo de înan va, “Rayberê Şarê Kurdî Abdullah Ocalan 15ê Sitabe 1999î de bi komploya NATO û Gladyoyî ame tepiştene û konsepte tecrîdî ame dest pêkerdiş. Înan waşt Kurdan ser de sîyasetanê îmhakerdişî biramnê. Hepisxaneyan de merdimî sey objeyan yenê vînayene. Hetê îqtîdaran ra tecrîd seba objekerdişî yeno şuxilnayîş. Îktîdar Îmralî de konsepte tecrîdî awan kerdo û no tecrîd hepisxaneyanê bînan ra zî vila beno. Heqê îfadeyî, heqê sihetî û heqê cuye yenê binpaykerdiş. Hepisxaneyî bîyê îşkencexane û metodê Esat Oktayî yenê ramitene.”

‘Tecrîd vera sihetê însanî sîstemê hêrîşkerdişî yo’

Malûmatî de ame vatiş ke, “Bi tecrîdê Îmralîyî û hepsanê bînan, herinha haştîye de şer, herinda azadîye de gamê antîdemokratîkî û herinda cuyêka sihetini tehrîbato ekolojîk ameyê weçînayîş û problemi bîyê giran. Nika hepsanê Tirkîya de 651ê înan giran 1517 hepsîyê nêweşî estê. Nê nêweşî nêşkenê tedawî bîbê û heqê sihetî ra mehrûm manenê. 2021î ra nat 59 hepsîyê nêweşî hepisxaneyan de merdê. Bi raporanê tiba edlî hepsîyê nêweşî hepisxaneyan de mirenê.