Muracato ke derheqê esteyanê Dereyê Zîlane de ame kerdene bêcewab mend

Dereyê Zîlane de esteyê merdiman vejîyaybî. Derheqê nê esteyan de hetê awiqatan ra muracat amebi kerdene la muracatê înan bêcewab mend.

Gelîya Zîlane ya Wanî de 13ê Temuze 1930î de bi hezaran Kurdî bi komî ameyê qetilkerdiş. Dereyê Zîlane ser de awbendê Taşkopru ameyo viraştene. Seba ke awa awbendî ancîyaya, 12ê Kanûne de xeylê esteyê merdiman vejîyayê.

Hetê Komeleya Heqanê Merdiman, OHD, TÎHV û ÇEV-DERî ra 22yê Kanûne de mintiqa de cigêrayîşî ameyê kerdene. Cigêrayîşan ra dima, seba ke esteyî bêrê arêdayîş û cigêrayîşî bêrê kerdene hetê awiqatan ra Sawcitîya Erdîşî rê muracat ame kerdene.

Muracatî ser ra 19 rojî vîyertê la goreyê malûmatan, hema zî çîyêk nêameyo kerdene û esteyî zî hema hernda xo de yê.

MA / WAN