Kesê ke qetlîamê Helebçeyî de qetil bîyê ameyê yadkerdene

Serrgêra Qetlîamê Helebçeyî de malûmatê nuştekî ameyê dayene û ame waştiş ke wa sey jenosîdî bêro qebulkerdiş.

Serrgêra 35ine ya Qetlîamê Helebçeyî de kesê ke qetil bîyê ameyê yadkerdene. Grûba Xebate ya Îttîfaqê Kurdistanîyî derheqê qetlîamî de malûmato nuştekî da. Qetlîamê Helebçeyî ame lanetkerdene.

Malûmatî de ame vatiş ke, “Dinya vera Hîroşîmaya Rojhelatê Mîyanênî bêveng mend. A roje rojhelat de kesêk ra veng nêvejîyabi. Çimkî Saddam muttefîkê înan bi. Rojavan de zî zaf veng nêvejîyabi. Çîn û SSCB hetêk ra Amerîka û Ewrûpa ra zî veng nêvejîyabi. Şarê ma wexto ke raştê qirkerdişî amebi teyna bi.”

‘Hêrîşê kolonyalîstan dewam kenê’

Malûmatî de ame dîyarkerdiş ke, hetê kolonyalîstan ra hêrîşî hema zî dewam kenê û ame vatiş ke, “Ma vînenê ke kolonyalîstî wazenê destkewteyanê Kurdistanê Başûrî û Rojavayî çin bikerê. Heta Tirkîya erdlerze de zî vera Rojavayî hêrîşê xo ramnayê. Çar leteyê welatî de şarê ma ser o teda esta û talukeyê qirkerdişî dewam keno.

Mas ey Xebata Îttîfaqê Kurdistanîyî vanê; vera nê talukeyan ganî Îdareyê Mintiqayî yê Kurdistanî û Îdareyê Xoserî yê Rojavayî, şarê ma û sîyasetê Kurdan paştî bidê yewbînî û bibê yew. Ma hêzanê demokrasîyî yê dinya rê gazîye kenê ke, wa nê wextêkî krîtîkî de paştî bidê şarê ma. Wa qehr bo kolonyalîzm û sîyasetê qirkerdişî.”

MERKEZÊ XEBERAN