Tirkîya 27 hezar kesî Girê Sipî de bica kerdê

Mustafa El Îdanî yo ke mecbûr mend Girê Sipî ba bikero va, “Ez çadir de manena, çeteyî keyeyê mi de manenê û erdê mi de rence kenê.”

9ê Teşrîna Verêne 2019î de Tirkîya kewte Girê Sipî û bi hezaran kes mecbûr mend cayê xo ra bar bikero. Herindê Kurdan de ca dîyeno paramîlîteranan û keyeyanê înan. Nika zî penaberê Sûrîyeyijî Girê Sipî de yenê bicakerdiş. 27 hezar û 140 kesî erşawîyeyê Girê Sipî.

Goreyê xebera ANHAyî, hetê fînasmanîya komeleyanê Çeçen, Pakîstan, Kuveyt û Katarî xeta sînorî de xeylê cayê eskerî ameyê awankerdene.

Mustafa El Îdanî mecbûr mend ke Girê Sipî ra bar bikero. Îdanî kampa Îdareyê Xoserî de ca da xo û keyeyê xo.

‘Keyeyê mi de berpirsîyarê îstîxbaratî Ebu Heyder maneno’  

Îdanîyî va, “Dinya de edalet çin o. Keyeyê mi Girê Sipî de yo la tede Xuta Şerqî ra Ebu Heyder maneno. No kes berpirsîyarê îstîxbaratê dewleta Tirke yo. Ez û domanê xo ma germîya hamnanî de, serdê zimistanî de çadir de manenê û cefa ancenê la keyeyê ma yo ke ma bi keda xo viraştî de sewbîna kesî manenê. Edalet kotî yo?”

‘Çeteyî hêgayê mi de rence kenê’

Îdanî dîyar kerd ke verê barkerdişî înşaatî de xebitîyayêne û va, “Barkerdişî ra dima, çeteyan malzemeye min ê karî tirawito. Çeteyî nika hêqayî mi de rence kenê. Ez nika bi yewmîya xebitîyena û destê m ara çîyêk zî nîno. Kerdenanê dewleta Tirke û çeteyanê ci rê komelo mîyanneteweyî vengê xo nêkerd. La hêvîya ma esta ke ma rojêke agêrê keyeyanê xo.”

Îdanîyî dîyar kerd ke Tirkîya şertanê sîyasî û eskerî firsend vînena û plananê xo bica ana û va, “Tirkîya wazena demojrafîyê mintiqa bibedilna. Wazena şerî derg bikera, bêvengîya komelê mîyanneteweyî ra paştî gêna û wazena plananê xo yê gemarinan bica biyara.”

YENÎ YAŞAM