Na hîkayeya ma ya: Hekata Aşîra Demenû

Nûçeyên Çand/Huner

în 8 nîsanê 2022 - 10:50

  • Kitabê ‘Hekata Aşîra Demenû’ hetê Fatma Rosîne Zulale ra ameyo nuştene û bi temamî Kirmanckî yo. Kitab eşîra Demananî ser o ameyo nuştene.

Kitabê ‘Hekata Aşîra Demenû’ hetê Fatma Rosîne Zulale ra ameyo nuştene û bi temamî Kirmanckî yo. Kitab eşîra Demananî ser o ameyo nuştene.

Na xebate cigêrayîşêkî hîrayî ra dima ameya meydan. Fatma Rosîne bi metodê arêdayîşî malûmatê xo ardê pêser. Eşîra Demenan mîyanê eşîranê Dêrsimî de, eşîrêka hîra û namdar a. Demenanijan wextê 38î de xo ver dabî û na eşîre ra xeylê merdimê çêrî rasayê. No kitab behsê eşîra Demenanî keno. 38î ra ver cuya înan senîn bî û badê 38î ra çi ameyê înan ser, kitabî de bi teferûat ca genê.

‘Bi şikîyayîşê gileyêk daristan nêqedîyeno’

Edîtorê Kitabî vato, “Nê kitabî de wayîrê tarîxê ma ca genê. Wuşenê Seykalî mergê Yivisê Seykalî ra dima vatibi, “Bi şikîyayîşê gileyêk daristan nêqedîyeno. Her yewê şima wa bibo Yivis û wa şer bikero.” ganî ma Dadîya Beseran xo vîrî ra mekerê. Kal Qemerê Murexanî vatibi, “Eke ez Qemero verên bibîyêne, çime mi bidîyêne mi qet verdayêne na nifşa ke 38î ra weşe vejîyaya bêra kiştene.” Şima do nê kitabî de, sînayoxanê ziwan û kulturê xo bivînê.”

‘Mi bi ziwanê xo nuşt’

Nuştoxê kitabî Fatma Rosîne Zulale vana, “Wexto ke ez doman bîya, yeno mi vîr kişta keyeyê ma de hêqayêkî Wuşenê Seykalî estibi. Wuşenê Seykalî timûtim şiwareyî vatêne. Wexto ke vengê şiwaneyan ameyêne mi, mi famkerdêne ke ê deyîrê normali nîyê. La ma o wext hema nêzanitêne 38î de çi ameyo înan ser. 70an ra dima dejê înan tikî niştibî, înan xo rê dewanê xo debara xo kerdêne. La no zaf dewam nêkerd. Reyna zulim ame fekê beranê înan. Dewê înan ameyê veşnayene û ê mecbûr mendêke dewanê x ora vejîyê û verê xo bide bajaranê pîlan. Bine zulim û tehdayan de kultur û ziwanê înan ame talankerdiş. Mi zî waşt vera nê neheqîyan û zuliman bi ziwanê xo binusî û mi kitabê xo bi Kirmanckî nuşt.”

DÊRSIM

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.