‘Nûjiyan’ do bêra ramojnayene

Nûçeyên Çand/Huner

pêncşem 26 gulanê 2022 - 10:28

  • Belgefîlma ‘Nûjiyan’e 2021î de ameybî temamkerdiş. 

Belgefîlma ‘Nûjiyan’e 2021î de ameybî temamkerdiş. Belgefîlme do çend cayan de bêra ramojnayene. Ramojnayîşo verên do Şengalî de bibo û dima belgefîlme do pêro Rojavayî de bêra ramojnayene.

Derhênerîya belgefîlma ‘Nûjiyan’e hetê Jînda Asmêne ra ameya kerdene. Belgefîlme behsê xoverdayîşê rojnamegere Nûjiyan Erhane kena. Nûjiyan Erhane 3ê Adare 2017î de Xanesor de bi hêrişa Peşmergeyanê Rojî girane bibî birîdare. Nûjîyan Erhane 22yê Adare de Heseke de wefat kerde. 

Nûjîyane bîye vengê dejanê bêvengan

Nujîyan Erhane rojnamegera şorişgere bî. Xoverdayîşê azadîye ra öirey fek ranêverda. Ma belgefîlme de çimê Nûjiyane ra dejanê Êzidîyan vînenê. Na belgefîlme hetêk ra zî cinîyanê şorişgeran temsîl kena. Nûjîyan bîye vengê dejanê bêvengan û nimiteyan.

28ê Gulane de do bêra ramojnayene

Belgefîlme do 28ê Gulane de saete 16.00î de Xanesor a Şengalî de bêra ramojnayene. 29ê Gulane de zî do qezayanê Şengalî de bêra ramojnayene. Dima zî belgefîlme do seranserê Rojavayî de bêra ramojnayene. 17ê Hezîrane saate 17.00î de do cayê wefatê aye Hesekeyî de bêra ramojnayene.

NÛJINHA

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.