Rojnameger Abdurrahman Gok hepisxane ra vejîya

Derheqê edîtorê MAyî rojnameger Abdurrahman Gokî de qerarê tehlîye ame dayene û rojnameger Gok hepisxane ra vejîya.

Rojnameger Abdurrahman Gok, 25ê Nîsane de Amed de amebi girewtene. Derheqê ci de bi îdîaya ‘endamtîya rêxistinî’ û ‘propagandaya rêxistinî kerdene’ dewa amebî akerdene û ewro Amed de mehkemaya ci ya dîyine ameye kerdene.

Îdîayî hetê Gokî ra ameyê redkerdene û ey dîyar kerd ke karê rojnamegerîye kerdo û bi ziwanê îqtîdarî rojnamegerîye nîna kerdene. 

Hetê mehkema ra derheqê Gokî de bi şertê qedexeyê tebervejîyayîşî qerarê tehlîye da û mehkema taloqê 12ê Adare bîye.

Rojnameger Abdurrahman Gok, badê qerarê tehlîye hepisxane ra vejîya. Keyeyê ci, endamê DFG, MKG û MLSAyî û hemkarê ey şîyê ey vera. 

MA / AMED