Seba rojnameger Suleyman Ehmedî NYyî rê muracat ame kerdene

Edîtorê Rojnewsî Suleyman Ehmedî ra 65 rojî yo xebere nîna girewtene. Hetê ajansî ra seba Ehmedî Neteweyanê Yewbîyayîyan (NY) rê muracat ame kerdene.

Îdarekaranê Rownewsî seba rojnameger Ehmedî Neteweyanê Yewbîyayeyan (NY) rê muracat kerd. Ehmed wexto ke 25ê Teşrîna Verêne de Rojava ra vîyartêne Başûr, hetê aşayîşê PDKyî ra ame girewtene û 65 rojî yo cira xebere nîna girewtene. Asayîşê Dihokî dîyar kerd ke dosyaya ci destê Parastinî de ya û awiqatî nêşkenê ey bivînê. 

Îdarekaranê Rojnewsî ajansê ANHAyî rê qisey kerd û înan dîyar kerd ke seba Ehmedî NYyî rê muracat ameyo kerdene.

Derheqê prosesî de îdarekaranê Rojnewsî va, “Ma hêverî sazîyanê çapemenîye reyde kewtê têkilîye. Ma waşt ê zî paştî bidê nê xoverdayîşî. Ma do asayîşê Dihokî reyde têkilîya xo biramnê. Ê heta nika zuranê xo tekrar kenê û vanê Ehmedî ra xebera ma çin a. Seba ke heqê pawitişî yê peymananê mîyannetewîyan bêro caardene, m abi waştişnameyêk muracatê NYyî kerd.”

‘Ma aqibetê ci nêzanê’

Îdarekaran dîyar kerd ke seba ke dosyaya Ehmedî ser o bigurîyê komêk awiqatan şîya Dihok la hema zî ê aqibatê Ehmedî nêzanê. Înan dîyar kerd ke hetê PDKyî ra reya verêne heqê rojnamegeran nînê binpaykerdene û rojnamegerî reya verêne nînê remnayene.

Cînayetê Vedat Hisên Elîyî

Îdarekaran va, “Mintiqaya Kurdistanî de girewtişê rojnamegeran şermezarîye ya. Muxabîrê ma Vedat Hisên Elî 7 serrî verî cû ame qetilkerdene la hema zî qetilkarî nêameyê tepiştene.”

MERKEZÊ XEBERAN