Rojnameger Ehmedî ra 3 aşmî yo xebere nîna girewtene

Awiqatan çend rey muracat kerdo la rojnameger Suleyman Ehmedî ra xebere nêameya girewtene.

Edîtorê Rojnewsî rojnameger Suleyman Ehmeed, 25ê Teşrîna Verêne de Berê Sînorî yê Pêşxabûrî de hetê asayîşê PDKyî ra ame girewtene û 3 aşmî yo cira xebere çin a. 

Dîyar bîyo ke destê Parastinî de yo

Awiqatanê Ehmedî ra Nerîmam Ehmede dîyar kerd ke Asayîşê Dihokî vato cipersayîş dewam keno û înan nêverdayo awiqatî muwekîlê xo bivînê. Ehmede dîyar kerd ke dosya ha ya kontrolê sazîya îstîxabaratê PDKyî Parastinî de.

Heta nika koma awiqatan ra 10î ra zêderî muracatî ameyê kerdene la nêşkayê Ehmedî bivînê û heta nika îdarekaranê PDKyî derheqê rewşa Ehmedî de çîyêk pare nêkerdo. Hetê Îdarekaranê Rojnewsî ra seba Ehmedî Neteweyanê Yewbîyayeyan rê zî muracat amebi kerdene.

MERKEZÊ XEBERAN