Partîya Çep a Keske do biba adresê çareserîye

în 21 nîsanê 2023 - 15:46

Bedlîs de xebatê îttîfaqê Kede û Azadîye dewam kenê. Namzedê Bedlîsî yê Partîya Çep a Keske Huseyîn Olanî xebatanê weçînayîşî ser o ANFyî rê fikre xo pare kerd.

Namzetê Bedlîsî yê Partîya Çep a Keske Huseyîn Olanî îfade kerd ke ê do komare newe ra awan bikerê û wina qisey kerd: “Partîya Çep a Keske parlamento de do biba adresê çareserîye. Ma do dezgehê hukmî bikerê xoser. Zaf karî est ê ke ganî ma bikerê.”

Olanî îfade kerd ke 20 serrî yo welat mîyanê krîzan de yo û ganî bêro vurnayene. Olanî vat: “Ma do şorê parlamento û dima meseleya kurdan çareser bikerê. Heta ke na mesele çareser nêba cînayetê cinîyan do nêqedê, ekonomî do bibo xirabêr û demokrasî do nêro. Ma do aştîye, edalet û demokrasî înşa bikerê. Ma do bingeyê heqanê têdûştan de newe ra komare înşa bikerê. Ma bikerê ke îdareyê welatî bibê îdareyê herêmî. Partîya Çep a Keske parlamento de do biba adresê çareserîye. Ma do dezgehê hukmî bikerê xoser. Zaf karî est ê ke ganî ma bikerê. Ma do seba ney qetî mesuldarîyan û erkanê xo bîyarê ca. Ma do cuya newîye pîya awan bikerê. Wa şarê Tirkîya dormeyê partîya ma de bêrê têhet.”

Olano ke 2014 de bîbî Hemşaredarê Bedlîsî, herinda ci de qeyûm ame tayînkerdene û tepişîyabî. Olan 7,5 serran zîndan de mendbî û temmuza verêne de vera dîyabî.

XWEBÛN

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.