Raporê ‘Çar Dêsî Rojnamegerîye’yî weşanîya

• Goreyê raporî, 2021î de 61 rojnamegerî gêrîyayê binê çimî û nînan ra 6 rojnamegerî ezrîyayê hepis.

Goreyê raporî, 2021î de 61 rojnamegerî gêrîyayê binê çimî û nînan ra 6 rojnamegerî ezrîyayê hepis.

Rapor hetê Komeleyê Rognamegeran ê Dîcle û Firatî ra ameyo hedrekerdiş. komele eynî wext de belgefîlmêka bi nameyê ‘Tunelê Tersî de Rojnamegerîye’yî zî weşanaye. Rapor bi Kurdkî, Îngîlîzkî û Tirkî ameyo hedrekerdiş. komele bi kombîyayîşê çapemenîye rapor û belgefîlma xo dayê naskerdene.

‘Ma waşt hafizayêk awan bikerê’

Kombîyayîşî de derhênera belgefîlmê Ensar Ozdemîrî qisey kerd û va, “Bi taybetî 2015î ra pey rojnamegerî raştê xeylê zehmetîyan ameyê. Probleman ver rojnamegeran yan platformanê xo awan kerdê yan zî vengê xo medyaya sosyale ra rasna însanan. Ma zî waşt hafizayêk awan bikerê. No dewro tarî helbet do biqedîyo. Ma waşt derheqê nê prosese xirabî de xabatêk bikerê.”

Îhlalê 2021î

Bi goreyê malûmatanê raporî; 2021î de 55 rojnamegerî û 2 dezgeyê çapemenîye raştê hêrîşan ameyê. Nê hêrîşan de 2 rojnamegerî ameyê kiştiş û 6 rojnamegerî erzîyayê hepis. 23 rojnamegerî raştê îşkence û mûameleyê xirabî ameyê. Derheqê 54 rojnamegeran de perskerdişî abîyê û derheqê 52 rojnamegeran de dewayî abîyê. 47 rojnamegeran 133 serrî ceza girewte û 72 hezar cezaya pereyan dîyaye înan. dewayê 336 rojnamegeran dewam kenê û 65 rojnamegerî hepis de yê. 64 keyepelê xeberan ameyê vindarnayîş. 1460 xeberî û 160 tedeyîyê medyaya sosyale ameyê qedexekerdiş.

AMED