Rejîmê Erdoganî Bedlîs de demografî bedilneno

Îqtîdarê AKP-MHPyî tirkê Ahiska qezaya Xelate ya Bedlîsî de cakerdî û nika seba înan qeraxanê Gola Wanî de 300 bînayan virazeno.

Şaristanê Bedlîsî yê Vakurê Kurdistanî tarîxî ra nata hedefê dewleta tirke de yo. 1925 de çarçewa Planê Şark-Islahatî de dest nîyabî malanê kurdanê Bedlîs, Xelate, Elcewaz, Tetwanî û nê kurdî amebî surgunkerdene.

Dewleta tirke ya îşxalkere bi taybetî kena ke demografîya Xelate û El Cewazî bivurna. Dewleta tirke nînan de bi hezaran kesê Asyaya Mîyanêne, Kafkasya, Balkanan û Deryayê Reşî ra ca kerdî. Serranê 90an de Bedlîs û qezayanê ci de dewî ameybî vêşnayene û xalîkerdene. Nika dewlete nêverdena ke kurdî abigêrê dewanê xo.
2016-2017 de tirkê Ahiska Xelate de ameyî cakerdene. 2014-2019 de zî rixmo ke HDP tîya de ser kewt AKPyî bi hîleyan namzedê xo serkewte mojna û şaredarîye viste destî.

Xelate de nufusê kurdan û tewirê înan AKP tersna. AKPyî reyna polîtîkaya cakerdişê koçberan rê muracat kerd.

Îqtîdarê AKP-MHPyî tirkanê Ahiska rê qeraxanê Gola Wanî de 300 bînayan virazeno. 3 hezar ra zêdeyêr koçberî do nînan de bêrê cakerdene. Tirkê Ahiska zî do tîya de bêrê cakerdene. Mesrefê nê bînayan zî hetê AKP-MHPyî ra yenê dayene.

XWEBÛN