Rojê Muzîkî yê Aryenî qedîyayê

Hetê Akademîya Hunerî ya Aryenî ra seba mexdûranê erdlerzî rojê muzîkî ameyê viraştene.

Rojê Muzîkî yê Aryenî yê ke hetê Akademîya Hunerî ya Aryenî ra seba mexdûranê erdlerzî ameyê viraştene qedîyayê. Rojê muzîkî bi konserê Colemêrg Collective qedîyayê.

Hunermend Mîzgîn Tûrane va, “Ma seba maxdûranê erdlerzî û kesanê ke cuya xo vîndî kerde na çalakîye organîze kerde. Xeylê koman deyîrê xo vatê. Ma reya verêne çalakîyêka winasî viraşte. Beşdarîyêka pîle estibî. Çalakîye mesaj da ke, ma eşkenê pêropîya serbikewê.”

‘Ma ganî wayîrê kulturê xo bivejîyê’

Solîsta Koma Sorjîyane Mîzgîn Irmake zî va, “Çalakîyî winasî seba kulturê ma zaf vatedar ê. Ganî xebatê winasî bibê. Heta ke ma paştî medê yewbînî ma sernêkewenê. Ma ganî wayîrê kulturê xo bivejîyê. Ma do bi paştîdayîşan hunerî birasnî komelê xo. Ma do nê rayîrî de gamanê hîna xurtan bierzê.”

MA / WAN