Şarê Mexmûrî: Ma do vernîyê kesî de çok menê ro

pêncşem 7 tîrmehê 2022 - 00:16

  • Hêrîşa Tirkîya hetê şarê Mexmûrî ra ameye protestokerdiş. 

Hêrîşa Tirkîya hetê şarê Mexmûrî ra ameye protestokerdiş. 

SÎHAyanê Tirkîya 5ê Temûze de hêrîşa Mexmûrî kerdibî. Keyeyêk bibi xirabe û welatîyî bibî birîndar. Hêrîşa Tirkîya hetê şarê Mexmûrî ra ameye protestokerdiş û şermezarkerdiş. Şarê Mexmûrî va, “Ma heta nika xo ver da û ma do xoverdayîşê xo biramnê. Şarê Mexmûrî vernîyê kesêkî de çok nêna ro û do nênano ro zî. Ma heqdar ê û ma do serbikewê.”

Şarê Mexmûrî verniye Komeleya Keyeyanê Şehîdan de ame pêser û rayîrşîyayîşê înan tîya ra dest pêkerd. Şarê Mexmûrî şi vernîyê Awanîya Miletanê Yewbîyayeyan û tîya de malûmatêk ame dayene.

Bi nameyê şarê Mexmûrî endama Meclîsa Îştare Nuran Sezgîne qisey kerd û va, “Ma dewleta Tirkîya û paştîdayoxanê ci şermezar kenê. Hêrîşa îşxalkaran ecizîya înan û bêqewetîya înan ramojnena. Na hêrîşa verêne nîya û do pêyêne zî nêba. Şarê Mexmûrî heta nika xo ver da û do xo ver zî bido. Ê çi wext binbikewê hêrîşa Kurdan kenê. TenaTirkîya zî ney, pêro îşxalkarî û PDK zî hêrîşa Kurdan kenê. La Tirkîya û PDK do sermekewê. Şarê Mexmûrî vernîyê kesî de çok nêna ro û do nênano ro zî. Ma heqdar ê û ma do serbikewê.”

ROJNEWS / MEXMÛR

parvê bike

Nûçeyên ku dikare bala we bikşîne

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.