Xoverdayîşê Mexmûrî verê dîalogî akerd

Hemserekê Meclîsa Şarî ya Mexmûrî Yusuf Karayî va, “Xoverdayîşî Mexmûrî ver Hukmatê Iraqî mecbûr mend ke game têpîya bierzo.”

Artêşê Iraqî, 20ê Gulane ra net wazeno Kampa Mexmûrî bi telan bigerê binê abluka. Şênîyê Mexmûrî vera abluka bi nobete xo ver danê. Hemserekê Meclîsa Şarî ya Mexmûrî Yusuf Karayî derheqê rewşa peyêne de qisey kerd.

Xoverdayîşê Mexmûrî

Karayî va, “14 rojî yo ke şarê Mexmûrî vera hukmatê Iraqî xo ver dano. Artêşê Iraqî wazeno kampe bigero binê abluka û îzole bikero. No zî bi şerîkîya dewleta Tirke yeno kerdene. Şarê Mexmûrî verî ra nat xo ver dano û heta nika çok nêna ro. Wazenê nê îradeyî bişiknê la raştê xoverdayîşê pîlî ameyê.”

Xoverdayîşî ver verê dîalogî abi

Karayî dîyar kerd ke rolê PDKyî zî esto û va, “Ma berê xo hukmatê Iraqî rê akerd û ma waşt bi muzakereyan meseleyan safî bikerê. Ma nêpawitêne ke Iraq bi waştişê Tirkîya û PDKyî çîyêko winasî bikero. Nika hukmatê Iraqî de dîalogêk ameyo awankerdiş. Ma nêşkenê vajê mesela safî bîya la seba çareserîye rayîrêk ameyo akerdene. Ma hêvî kenê ke ê bi berpirsîyarîye têbigêrê. Ma wazenê na mesele safî bikerê. Na abluka ganî cade bêra wedartene.”

MERKEZÊ XEBERAN