Mexmûr de mabênê hêzanê Iraqî û pêşmergeyanê PDKyî de şer qewimîya
sêşem 24 Çiriyê 2023 - 17:08
Koyê Qereçoxî yê Mexmûrî de mabênê hêzanê Iraqî û pêşmergeyanê PDKyî de şer qewimîya.
Goreyê xebera Rojnewsî, koyê Qereçoxî de cayê ke HPG cira vejîya de hêzanê Iraqî bica bîyê. Mabênê nê hêzan û pêşmergeyanê PDKyî de şer qewimîya.
Gorteyê malûmatan netîceya şerî de pêşmergêyêk cuya xo vîndî kerde, 3 eskerê Iraqî û 4 pêşmergeyî zî birîndar bîyê. La nê malûmatî bi temamî nêameyê teyîtkerdiş.
Goreyê malûmatanê çimeyanê mintiqayî vengê çekan Kampa Mexmûrî ra zî eşnawîyayê. Reyna ame dîyarkerdiş ke tayê guleyan raştê keyeyanê kampe ameyê.
Ameyo dîyarkerdiş ke hetê Serekwezîrê Iraqî Muhammed Şîya Sûdanîyî talimat dayo ke seba mesele komîsyonê cigêrayîşî bêro awankerdene.
YENÎ YAŞAM
parvê bike
Nûçeyên ku dikare bala we bikşîne
