Seba çalakîya 9ê Teşrîna Verêne ya Dîyarbekirî gazîye

în 7 Çiriyê 2022 - 09:10

  • Seba protestokerdişê komploya mîyannetewîye do 9ê Teşrîna Verêne de Dîyarbekir de çalakîya rayîrşîyayîşî bêra kerdene.

Hetê TJA, DBP, HDP, MEBYA-DER, TUAY-DER, OHD û Înîsîyatîfê 78îyan ê Dîyarbekirî ra derheqê serrgêra komploya mîyannetewîye ya ke vera Serekê PKKyî Abbullah Ocalanî 9ê Teşrîna Verêne 1998î de kewtibî karî de, awanîya HDPyî ya D3iyarbekirî de malûmat ame dayene.

Malûmatî de Hemserekê DBPyî yê DîyarbeKirî Hayrettîn Alyun û parlamentera HDPyî ya Dîyarbekirî Dersîm Dage qisey kerd.

Hayrettîn Altunî va, “Ma do serrgêra komploya mîyannetewîya 9ê Teşrîna verêne çalakîya rayîrşîyayîşî bikerê. Kurdî do sey her wextî xo ver bidê. Eke Kurdî bi dezge û sazgeyanê xo wayîrê Abbullah Ocalanî bivejîyê, do demokrasî bêro awankerdiş. Coka ma do 9ê Teşrîna Verêne de Cehdeyê Emekî yê Baxlarî de saate 15.00î de bêrê têhet. Ma pêroyê şarê Amedî seba ke wayîrê demokrasîyî û keda xo bivejîyê silaynenê.”

‘Tîja ma nêameye tarîkerdîş’

Parlamentera HDPyî ya Dîyarbekirî û Verfeka Meclîsa Ciwanan Dersîm Dage va, “Înan waşt bi komploya 9ê Teşrîna Verêne xoverdayîşê Kurdan tasfiye bikerê. Tîja ma nêameye tarîkerdiş û 24 serrî yo no xoverdayîş dewam keno. Xoverdayîşê Kurdan qet nêvindert. Înan ke vatêne ma xoverdayîşê Kurdan tasfiye kenê, bîyê şahidê xoverdayîşê Rojavayî. Komploya mîyannetewîye heta ewro çîyêk rê bêbîye û ewro ra dima zî do çîyêk rê nêba. Paradîgmaya Serekê Şarê Kurdî Abbullah Ocalanî pêroyê dinya ra vila bîya û perstektîfê ci bîyo modelêk. Kesê ke wazenê xoverdayîşê Kurdan çin bikerê wa bizanê ke, no xoverdayîş bi tecrîd û komplo nîno edilnayîş û çinkerdiş.”

Rayîrşîyayîşî rê silayîye

Dage peynî de gazîya beşdarbîyayîşê çalakîya rayîrşîyayîşê Baxlarî kerde û va, “No rayîrşîyayîş, rayîrşîyayîşê azadîye yê Serekê Şarê Kurdî Abdullah Ocalanî yo. Ma sere de ciwanan, cinîyan û pêro şarê xo silaynenê rayîrşîyayîşî.”

MA / AMED

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.