‘Seba wedartişê tecrîdî ganî xoverdayîş pîl bibo’

duşem 22 tebaxê 2022 - 08:39

  • "Tecrîdo ke Îmraliyî de yeno ramitene, hêdî-hêdî pêro komale mîyan ra vila beno."

 

Îdarekarê TUAY-DERî yê Çukurovayî Ergîn Altuntaşî va, “Tecrîdo ke Îmraliyî de yeno ramitene, hêdî-hêdî pêro komale mîyan ra vila beno. Ma ganî vera tecrîdî xoverdayîşê xo pîl bikerê.”

Hepisxaneyanê Tirkîya de binpaykerdişî her roje giranêr benê û rewşa hepsîyanê nêweşan ver bi xirabîye şina. Îdarekarê TUAY-DERî yê Çukurvayî Ergîn Altuntaşî derheqê binpaykerdiş û tehdayan de qisey kerd.

Wa waştişî bêrê qebulkerdiş

Ergîn Altuntaşî va, “Hepisxaneyê Fyî yê Edenayî de 14ê Temûze ra nat hetê hepsîyan ra çalakîya grêva vêşanîye yena ramitene. Seba ke waştişî biyerê ca hepsîyî greva vêşanîye de yê. Ê wazenê wa muameleyê xirabî bêrê vindertiş. Înan keyeyanê xo ra vato eke waştişê înan ke meyerê ca do greva xo biramnê. Ma reyna vanê ke, wa waştişî biyerê ca û muameleyê ke zirar danê rûmetê merdimî wa orte ra wedarîyê.”

Ne tedawî benê ne zî tehlîye

Alyuntaşî va, “Hepsîyê nêweşî ne tedawî benê ne zî tehlîye. No bîyo sey polîtîkayêk. Raşta zî rewşa tayê hepsîyanê sîyasîyan giran a reyna zî nînê tehlîyekerdiş. Tehlîye ca verdê, ê nînî tedawîkerdiş zî. Nêweşê giranî bi destanê kelebçeyinan tedawî benê. Raşta zî no şermêko pîl o. Ganî cade bêbazarî hepsîyê nêweşî bêrê veradayîş.”

Tecrîd pêro komele mîyan ra vila beno

Ergîn Altuntaşî peynî de va, “Bingeyê binpaykerdişan de polîtîkayê tecrîdî esto. Bi tecrîdê Îmraliyî pêro komele hedef gêrîyena. Tecrîd çend beno giran, binpaykerdişî hende zêdîyenê. Ma ganî nê fam bikerê û vera ci de vinderê. Ma ganî vera tecrîdê Îmraliyî xoverdayîşê xo pîl bikerê.”

MA / MERSÎN

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.